پرۆفیسۆر جه‌مال نه‌به‌ز كۆچی دوایی كرد

ئه‌مڕۆ شه‌ممه‌ 8ی كانونی یه‌كه‌می 2018، پڕۆفیسۆر دکتۆر جەمال نەبەز، نوسەر و بیرمەندی کورد لە تەمەنی 85 ساڵیدا لە ئەڵمانیا کۆچی دواییکرد.

كورتەیەك لەژیانی پڕۆفیسۆر دكتۆر جەمال نەبەز:

– لە ساڵی 1933 لەشاری سلێمانی لەدایکبوە.

– لەسەرەتای خوێندنیدا جگە لە خوێندنی ئیسلامی، فەلسەفە و سیۆلۆجی و فیزیا و ماتماتکی خوێندوە.

– لە نیوەی یەکەمی پەنجاکانی سەدەی رابردو، لە زانکۆی بەغدا، فیزیا و ماتماتیکی خوێندوە.

– لە شارەکانی کەرکوک و هەولێر و بەغدا و بەسرە وانەی گوتوەتەوە.

– ساڵی 1962 چوەتە ئەوروپا بۆ تەواوکردنی خوێندن و پاشان لە زانکۆکانی مینوخ و ۆزبورگ خوێندنی ئیسلامیی و ئێرانناسی و شێوازی گوتنەوەی وانەی خوێندوە.

– لەساڵی 1967-1970 لە زانکۆی هامبۆرگ خوێندویەتی و هەر لەو ساڵانەدا لەگەڵ چەند هاوڕێیەکی، یەکێتی نەتەوەیی خوێندکارانی کورد دادەمەزرێنن.

– لەساڵی 1970-1979 لەزانکۆی بەرلینی ئازاد زانستە سیاسییەکان و رۆژنامەنوسی و یاسای خوێندوە.

– یەکێکە لە دامەزرێنەرانی کاژیک.

– لە ساڵی 1962 کە کوردستانی جێهێشتوە بەهیچ جۆرێک نەگەڕاوەتەوە.

– خاوەنی چەندین بەرهەمی نوسین و وەرگێڕانە.

– دوایین بەرهەمی پڕۆفیسۆر دكتۆر جەمال نەبەز، كتێبێكی 640 لاپەڕەییە بە ناونیشانی (بیره‌وه‌ریینامه‌ى ئه‌و رۆژانه‌ى جاره‌كى دیی ناگه‌ڕێنه‌وه‌) كە له ‌سلێمانى بڵاكرایه‌وه‌.

بەشێك لەبەرهەمەكانی نوسەر:

– چیرۆکی گەرداوەکە (بە ئینگلیزی: “The Tempest”) هی نوسەری ئینگلیز ویلیام شێکسپیر، وەرگێڕدراوی جەمال نەبەز ساڵی ١٩٥٥

– پالتۆ (بە ئینگلیزی: “The Coat”) لەساڵی ١٩٥٨ هی نوسەری بەناوبانگ نیکۆڵای گۆگۆل

– لالۆ کەریم؛ ڕۆمانێکی کوردییە لەساڵی ١٩٨٦ لە هەولێر

– خوێندەواری بە زمانی کوردی لەساڵی ١٩٨٧

– نوسینی کوردی بە لاتینی

– وەرگێران ھونەرە، چاپخانەی ژین

– سەرەتای میکانیک و خۆمالەکانی ماددە

– زمانی یەکگرتوی کوردی، ساڵی ١٩٧٩

– ھەندێک لە کێشە بنەڕەتییەکانی قوتابخانەی کوردی سۆسیالزم لەساڵی ٢٠٠١

– ڕۆژانی ئاوارەییم، لە سویسرا