بەمەبەستی دامەزراندنی چەند پڕۆژەیەک لە سنووری شاری سلێمانی شاندێکی فنلەندی، بۆ سێهەمین جارە سەردانی ژووری بازرگانی‌و پیشەسازی کرد.
شادان محەمەد، بەڕێوەبەری سەنتەری‌زانیاری و گەشەپێدانی کار رایگەیاند ئەمرۆ ٢٠١٨/١١/٤، پاش پێشوازی لێکردن لە شاندی نابراو لەلایەن سیروان محەمەد، سەرۆکی ژوور و دەستەی بەڕێوەبردنی سەنتەری زانیاری و گەشەپێدانی کار BIC و بیرۆکەی چەند پڕۆژەیەکی گرنگ تاوتوێ کرا کە لەگەڵ سەرچاوە و بازاڕی کوردستان بگونجێت.
شادان محەمەد، وتیشی ”شاندەکە سەردانکردنی چەند ناوچەیەکی گوندنیشنی سنوری پارێزگای سلێمانی لە ناوچەکانی شارباژێڕ و شارەزور کردوە، بەمەبەستی ئاشنابوون بە جۆری بەرهەمی کشتوکاڵی ئەو ناوچانە بۆ دامەزراندنی کارگەی پیشەسازی و بازاری گونجاو لەئایندەیکی نزیک دا.
Kurdish