وەرزی هەنار ڕنین و دروست کردنی ڕوبە هەنار لە هەورامان دەستی پێ کردوە.
ڕێ وڕەسمی یەکەمین فیستڤاڵی هەناری هەورامان بە ئامانجی یارمەتیدان بۆ گەشەی گەشتیاری و ناساندنی هەناری هەورامان بە بازاڕەکانی ناوخۆیی و حیهانی بە ئامادەبوونی خەڵک، بەرپرسان و میدیا و پەیامنێران لە گوندی ناوازی ناوچەی هەورامانی پارێزگەی کوردستان دەست پێکرا.
هەورامان ناوچەیە کە لە هەر دوو پارێزگەی کوردستان و کرماشان دایە، بەرهەمی کشتوکاڵی ئەم ناوچەیە تووفەرەنی ، گوێز، هەنار ، هەنجیر، ترێ و سێوە.
هەنار نیشانەی پاکی و سەلامەتە . ئەم بەرهەمە لە هەورامان بایخێکی زۆری هەیەو وەک برەندی کشتوکاڵی دەناسرێت .
پانتایی باخەکانی هەناری ئەم شارە 350 هیکتارە و مام ناوەندی بەرهەمی هەنار لەم ناوچەیە هەژدە تەن لە هەر هکتارە.
لەم ڕێ و ڕەسمە ژومارێک کچ و کوڕی ئەم گوندە کە جل و بەرگی خۆجێییان لەبەرە هەرکام بە هەڵگرتنی سەبەتەی هەنار بەسەر سەریانەوە لەم ڕێ وڕەسمە بەشداری دەکەن .
وەرزی هەنار ڕنین و دروست کردنی ڕوبە هەنار لە هەورامان دەستی پێ کردوە و هاوڵاتیانی ناوچەکەش لەم وەرزەدا سەرقاڵی چنینەوەی بەرهەمەکانیان، جوتیارێکیش دەڵێت: بەرهەمی هەناری ئێمە زیاتر لە شارەکانی ناوەڕاست و باشوری عێراق ساغ دەکرێتەوە.
ناوبانگی و زۆری هەناری هەورامان وای کردوە کە ئەم وەرزە تایبەتمەندی خۆی هەبێت و ساڵانە و لەسەرەتای وەرزی پاییزدا هەورامییەکان سەرقاڵی چنینەوەی بەرهەمی هەنارن بەمەبەستی فرۆشتن و دروستکردنی ڕوبە هەنار.
Kurdish