بریان هوك نوێنەری تایبەتی وەزارەتی دەرەوەی ئەمریكا بۆ كاروباری ئێران سەردانی ژمارەیەك وڵاتانی ئەوروپا و هندستان دەكات بۆ ئەنجامدانی گفتوگۆ لەبارەی قۆناغی دووەمی سزاكانی ئەمریكا بۆ سەر هەناردەی نەوتی ئێران كە بریارە ئەو سزایانە مانگی داهاتوو بكەوێتە بواری جێبەجێكردن.
بەپێی بەیانامەیەكی وەزارەتی دەرەوەی ئەمریكا بریان هوك لەگەڵ وەزیرانی دەرەوەی یەكێتیی ئەوروپا كۆدەبێتەوە بۆ تاوتوێكردنی قۆناغی دووەمی سزاكانی ئەمریكا بۆ سەر ئێران و دواتر سەردانی فەرەنسا و بەلژیكا دەكات.
هاوكات هندستان كە دووەم وڵاتی كڕیاری نەوتی ئێرانە بڵاویكردەوە بەنیازە رێژەی كڕینی نەوت لەئێران بۆ نیوە كەمبكاتەوە لەپێناو زامنكردنی دەستكەوتنی بەخشین لەسزاكانی ئەمریكا.
Kurdish