ئه‌مڕۆ نرخی نه‌وت له بازاڕه‌كانی جیهان به‌رزبوونه‌وه‌یه‌كى گه‌وره‌ى تۆماركرد و له ئێستادا هه‌ر به‌رمیلێك له سه‌رو 86 دۆلاره‌وه مامه‌ڵه‌ى پێوه‌ده‌كرێت.
به‌یانى ئه‌مڕۆ پێنج شه‌ممه رێكه‌وتی 4 ی تشرینى یه‌كه‌مى 2018، نرخی به‌رمیلێك نه‌وت له جۆری برێنت به 86 دۆلار و 8 سه‌نته، له كاتێكدا به‌یانى دوێنێ به 84 دۆلار و 93 سه‌نت بوو.
هاوكات له ئێستادا نرخى هه‌ر به‌رمیلێك نه‌وتى خاوى ئه‌مه‌ریكى له بازاڕه‌كانى جیهان به 76 دۆلار و 21 سه‌نت مامه‌ڵه‌ى پێوه‌ده‌كرێت، له كاتێكدا به‌یانى دوێنێ به 75 دۆلار و 30 سه‌نت مامه‌ڵه‌ى پێوه‌ده‌كرا.
به‌رزبوونه‌وه‌ى نرخى نه‌وت بۆ سه‌رو 86 دۆلار، به به‌رزترین نرخ داده‌نرێت له ماوه‌ى ئه‌مساڵ و چه‌ندین ساڵى رابردوودا، له كاتێكدا به پێچه‌وانه‌وه و له مانگى شوباتى ساڵى 2016 دا بۆ 27 دۆلار دابه‌زى.
Kurdish