٢ ھەزار كەس لە پارێزگای زیقار بە هۆی کەم ئاوییەوە ناوچەكانیان جێھێشت و كێشەی سوتەمەنیش لە ژماره‌یه‌ك پارێزگای باشوور و ناوه‌ڕاست سه‌ریهه‌ڵدا.
سەرچاوەیەك لە پارێزگای زیقار رایگەیاند، بەھۆی كەمیی ئاو، 2 ھەزار كەس لە پارێزگای زیقار ناوچەكانیان جێھێشتووە و بەرەو ناوچەكانی دیكەی پارێزگاكە رۆیشتوون.
ھاوكات، كێشەی سوتەمەنی بەتایبەت بەنزین و گازوایل لە ژماره‌یه‌ك پارێزگای باشوور و ناوه‌ڕاستی عێراق، سه‌ریهه‌ڵداوه و تادێت نرخه‌كانیش روو له به‌رزبوونه‌وه ده‌كه‌ن، به‌رپرسانی حكوومه‌ت و خاوه‌ن وێستگه‌كانی سووته‌مه‌نیش به‌رپرسیارێتی ئه‌و كێشه‌یه ده‌خه‌نه ئه‌ستۆی یه‌كتر.
Kurdish