لەگەڵ فرۆشتنی نوێترین جۆری ئایفۆن لە بازارەکانی ئەمریکا لەشاری سلێمانیش ئەو بەرھەمە دەخرێتە بازاڕەوە.
ڕێبین عەبدلرەحمان بەڕێوەبەری گشتی کۆمپانیای ئەسێ لەشاری سلێمانی، بە سایتی ژووری بازرگانی‌و پیشەسازی سلێمانی راگەیاند: “ھەموو بەرھەمێکی نوێی ئایفۆن کە ڕادەگەیەندرێت ئێمە لەگەڵ ووڵاتە یەکگرتووەکانی ئەمریکا دەیخەینە بازاڕەوە بۆ ئەمجارەش سەرجەم بەرھەمە نوێکانی ئایفۆنمان ھێناوەو دەیخەینە بەردەستی ھەوادارانی”.
وتیشی ” بەیانی ھەینی ٩/٢١ لەدوای چەند کاتژمێرێک لەفرۆشتنی لە ئەمریکا ئێمەش بەرھەمە نوێکانی ”iphone xs، Iphone xs max” کە بە قەبارەی ٦٤و ٢٥٦ و ٥١٢ گێگا بایت دەخەینە بەردەستی ھەوادارانی ئەو ئامێرە نوێیە”
ئاماژەی بەوەشدا نرخەکان بەپێی جۆر و مۆدێلەکان جیاوازن وە ئێمەش بەپێی ئەو کرێیەی لەسەر گەشتنەکەی دەکەوێت دەیفرۆشین و ڕۆژی ھەینی نرخەکانی دیاری دەکەین.
بەڕێوەبەری گشتی کۆمپانیای ئەسێ ئەوەشی ڕونکردەوە خەڵک ھەیە لە ئێستاوە ناوی لای ئێمە تۆمارکردووە کە وەک یەکەم کەس ئەو ئامێرە نوێیە بکڕێت.
Kurdish