شه‌وی رابردوو له‌لایه‌ن كه‌سانی نه‌ناسراوه گڕ له‌باخه‌كانی گوندی باوه مه‌حمودی سه‌ربه قه‌زای خانه‌قین به‌رده‌درێت و به‌شێكی ده‌سوتێت.
محه‌مه‌د كه‌ره‌م وه‌یس، خاوه‌نی باخ له‌سنوری گوندی باوه مه‌حمود ووتی: له‌لایه‌ن كه‌سانی نه‌ناسراوه گڕ له‌باخه‌كانیان به‌ردراوه‌و به‌شێكی زۆریان سوتاوه.
وتیشی: بۆ ماوه‌ی چه‌ند ساڵێكه ئه‌مه یه‌كه‌مجاره رووداوی له‌و شێوه‌یه رووبدات.
جه‌ختیكرده‌وه: هێزه ئه‌منیه‌كان و ئیداره‌ی ناوچه‌كه‌یان ئاگادار كردوه‌ته‌وه‌و ئه‌وانیش ده‌ستیان به‌لێكۆڵینه‌وه كردوه.
سه‌رچاوه‌یه‌كی ئه‌منی له‌وباره‌یه‌وه جه‌ختیكردوه‌ته‌وه: به‌پێی ئه‌نجامه سه‌ره‌تاییه‌كانی لێكۆڵینه‌وه له‌و رووداوه، له‌لایه‌ن كه‌سانی نه‌ناسراوه‌وه سوتێنراوه، هێشتا زانیاریه‌كان سه‌ره‌تایین.
PUKmedia
Kurdish