قایمقامی مه‌ریوان وتی: ڕۆژانه زیاتر له هه‌زار و 100 که‌س بۆ کڕینی کاڵا و پێداویستییه‌کان له سنوری باشماخه‌وه دێنه مه‌ریوان و له‌م ڕێگایه‌وه پێداویستییه سه‌ره‌کییه‌کانی خۆیان دابین ده‌که‌ن.
ب محه‌ممه‌د شه‌فیعی به ئاماژه به هاتنی به‌لێشاوی کڕیارانی کاڵا و پێداویستییه‌کان له هه‌رێمی کوردستانی عێراقه‌وه بۆ ئێران وتی: له چه‌ندین هه‌فته‌ی ڕابردووه‌وه ڕۆژانه زیاتر له 2 هه‌زار و 300 که‌س هاتوونه‌ته مه‌ریوان به‌ڵام له ئێستادا ئه‌و ژماره ڕۆژانه‌یه گه‌یشتووه‌ته هه‌زار و 100 که‌س.
ناوبراو وتی: هاتنی ئه‌م ژماره زۆره له کڕیاران وایکردووه که کاڵا و پێداویستییه سه‌ره‌کییه‌کان له شاری مه‌ریوان که‌م ببێته‌وه و ئه‌مه‌ش ده‌سپێکی سه‌رهه‌ڵدانی قه‌یرانێکی جیدییه بۆ دانیشتووانی شاره‌که.
قایمقامی مه‌ریوان جه‌ختی کرده‌وه که داوامان کردووه که له کۆبوونه‌وه‌یه‌کی به‌په‌له‌ی پارێزگای کوردستان ئه‌م کێشه‌یه به جیدی تاوتوێ بکرێت.
جام کوردی
Kurdish