كارەبای هەرێم رایدەگەیەنێت بەهۆی راوەستانی ناردنی گازی سروشتییەوە بەرهەمهێنانی 900 مێگاوات كارەبا راوەستاوەو لەهەوڵی چارەسەركردنیدان تا كوژانەوەی گشتی روونەدات.
وەزارەتی كارەبای حكومەتی هەرێم لە روونكردنەوەیەكیدا رایگەیاندوە: ئاگاداری هاووڵاتیانی خۆشەویست دەكەینەوە كە بەهۆی گرفتێكی تەكنیكی لەناكاو لەبۆری گازی كۆرمۆرو راوەستانی ناردنی گازی سروشتی بۆ وێستگەی هەولێری گازی، تەواوی یەكەكانی وێستگەكە راوەستاو بەرهەمهێنانی كارەبا بەبڕی 900 مێگاوات كارەبا لە تۆڕی كارەبای نیشتمانی كەم بووەوە.
دەشڵێت: لەئێستادا هەردوو وەزارەتی كارەباو سامانە سروشتییەكان لەگەڵ كۆمپانیای دانا گاز سەرقاڵی چارەسەركردنی گرفتەكەن تاوەكو كوژانەوەی گشتی روونەدات و چارەسەری گرفتەكە بكرێت، كە وا چاوەڕوان دەكرێت لەماوەی 24 سەعاتدا دۆخەكە ئاسایی بكرێتەوە .
Kurdish