بەهۆی ترس لە کاریگەریی سزاکانی ئەمریکا بۆسەر ئێران، نرخی نەوت لە بازاڕەکانی جیهان بەرزبوونەوەی تۆمارکرد.
ئاژانسی ڕۆیتەرز بڵاویکردەوە، نرخی نەوت بەهۆی ترس لە کەمبوونەوەی بەرهەمی نەوتی خاو لە بازاڕەکان جارێکی تر بەرزبووەتەوە.
راشیگەیاندووە، کاتژمێر ٩ی سەرلەبەیانی ئەمڕۆ بەرمیلێک نەوتی خاوی برێنت گەیشتووەتە ٧٥ دۆلار و ١٩ سەنت، بەراورد بە نرخی پێشتر ٤٦ سەنت بەرزبووەتەوە.
لە ماوەی حەوت ڕۆژی ڕابردووشدا ئەمە چوارەمین بەرزبوونەوەی نرخی نەوتە و نرخەکەی بەڕێژەی ٤.٧% زیادیکردووە.
هەروەها نرخی بەرمیلێک خاوی ڕۆژئاوای تێکساس گەیشتووەتە ٦٨ دۆلار و ٣٢ سەنت، ٤٩ سەنت زیادیکردووە، لەم هەفتەیەشدا ٧.٣% چووەتە سەر نرخەکەی.
Kurdish