بەڕێوەبەری چاودێری بازرگانی سلێمانی ڕایدەگەیەنێت نرخی خۆراک لەبازەڕەکانی سلێمانی ھەرزانبووە.
سۆران غەفور بەڕێوەبەری چاودێری بازرگانی سلێمانی ڕایگەیاند “دابەزینی بەھای تمەنی ئێرانی و لیرەی تورکی کاریگەری گەورەی ھەبووە لەسەر نرخی کاڵاکانی ئەو دوو وڵاتە کە دێتە شاری سلێمانی”
وتیشی “برنج و ڕۆن و فاسۆڵیا و نیسک و نۆک و مادەی تری ئێرانی بۆ ھەر یەکێکیان ١٥ ھەزار دینار تا ٢٠ ھەزار دینار ھەرزانبووە بەھۆی دابەزینی دراوەکەیان، وە جلوبەرگی تورکیش بەشێوەیەکی بەرچاو ھەرزانبووە بەپێی گەڕان و بەدواداچوونی لیژنەکانمان”.
ئاماژەی بۆ ئەوەشکرد لەئێستادا چاودێریکردنی بازاڕ لەلایەن بەڕێوەبەرایەتیەکەیانەوە بەردەوامە ھەر کاڵایەک نرخی زۆر گرانبکرێت لێپرسینەوە دەکرێت و ڕوبەڕوی یاسا دەکرێتەوە
Kurdish