یەکەم نەخۆشخانەی پزیشکی لە بەریتانیا کرایەوە بۆ ئەو کەسانەی کە خوویان گرتووە بە زۆر بەکارهێنانی ئینتەرنێتەوە و چارەسەرکردن بە خۆڕاییە.
بە پێی هەواڵێکی ماڵپەڕی « sayidaty» پاش ئەوەی هەست بە مەترسییەکانی زۆر بەکارهێنانی ئینتەرنێت کرا لە لایەن گەورە و منداڵەوە وەک جۆرێکی هۆگربوون دیاریکراو و ڕێکخراوی تەندروستی جیهانی WHO بە فەرمی بڕیاری کردنەوەی نەخۆشخانەیەکی دا چونکە ئەگەری هەیە ئەم هۆگربوونە کاریگەری زۆری لەسەر مێشک هەبێت.
یەکێک لە پزیشکەکانی لەو نەخۆشخانەیە کاردەکات دڵنیایی ئەوەی کردەوە کە زۆرێک لە منداڵ و تەنانەت گەورەکانیش ناتوانن بە هیچ شێوەیەک و تەنانەت بۆ چەند خولەکێکیش واز لە مۆبایلەکانیان بهێنن، ئەمە تەنانەت کاریگەری کردووەتە سەر سیستمی خۆراک و خەوتنیان و پەیوەندییە کۆمەڵایەتییەکانیان.
ئەم نەخۆشخانەیە یارمەتی ئەو کەسانە دەدات کە بە هیچ شێوەیەک ناتوانن بە بێ ئینتەرنێت و مۆبایلەکانیان بن، چەند سەنتەرێکی دیکەی لەم جۆرە هەیە لە ویلایەتە یەکگرتووەکانی ئەمەریکا بەڵام بە خۆڕایی نییە و هەموو کەس ناتوانێت سەردانی بکات.
Kurdish