بە بڕیاری پارێزگای هەولێر، هاتووچۆ ئۆتۆمبێلی بارهەڵگر لە رێگەی هەولێر – كۆیە سنووردار دەكات و بارهەڵگرەكان تەنیا دەتوانن شەوانە كارەكانیان رابپەڕێنن.
بە بڕیاری پارێزگاری هەولێر، لە كاتژمێر (6) ی بەیانی تاوەكو (8) ی شەو هاتوچۆی ئۆتۆمبێلە بارهەڵگرەكان لە رێگەی كۆیە – هەولێر، كۆیە – تەقتەق قەدەغە دەكرێت.
بەڕێوەبەری شارۆچكەی تەقتەق وتی: ئۆتۆمبێلە بارهەڵگرەكان ناتوانن بە رێگەی هەیبەت سوڵتان و كلكەسماقدا هاتوچۆ بكەن.
لە ماوەی رابردوودا چەند رووداوێكی هاتووچۆ لە رێگەی كۆیە – هەولێر روویاندا، بەهۆیانەوە نزیكەی (10) كەس گیانیان لەدەستداو برینداربوون.
قایمقامیەتی قەزای كۆیە لە ڕاگەیەندراوێكیدا دەڵێت: دوابەدوای پەیوەندی تەلەفۆنیمان لەگەڵ پارێزگاری هەولێر، بڕیارماندا بە قەدەغەكردنی هاتوچۆی ئۆتۆمبێلی بارهەڵگر لە كاتژمێر (6) ی بەیانی تاكو (8) ی شەو تا گرفتی ڕێگەی پردێ چارەسەر دەكرێت.
راشیگیاند، ئەم بڕیارە لەدوێنێوە چۆتە بواری جێبەجێكردنەوەو كاری پێدەكرێت.
Kurdish