باجی گومرگی سێ جۆر ئاسن دیاریکرا

بە فەرمانی ئەنجوومەنی وەزیرانی هەرێمی کوردستان، بەڕێوەبەرایەتیی گشتیی گومرگ باجی گومرگی سێ جۆر بەرهەمی ئاسنی هاوردەکراوی دیاریکرد.

بەپێی فەرمانەکە -کە ئەمڕۆ 19-6-2018 دەرکراوە- بۆ بۆری رەشی پیشەسازی، کە نرخی یەک تۆن 670 هەزار دینارە، رێژەی لە 10% رەسمی گومرگی وەردەگیرێت.

بۆری سپی گڵڤەنای، کە نرخی یەک تۆن 670 هەزار دینارە، بڕی لە 10% رەسمی گومرگی وەردەگیرێت.

هەروەها ئاسنی لێواری شەقامەکانی دەرەوە، کە نرخی یەک تۆن 670 هەزار دینارە، لە 10% رەسمی گومرگی وەردەگیرێت.

بەپێی فەرمانەکەی بەڕێوەبەرایەتیی گشتیی گومرگ، وەرگرتنی رەسمە گومرگییە لە 20-6-2018ـەوە جێبەجێدەکرێت.