ئەمڕۆ پێنج شەممە 7ی حوزەیرانی 2018، نرخی نەوتی خاوی ئەمریكی و نەوتی برێنت لە بازاڕەكانی جیهان بەم جۆرەی لای خوارەوە مامەڵەیان پێوەكرا.
بەیانی ئەمڕۆ نرخی بەرمیلێك نەوت لە جۆری برێنت بە 75 دۆلار و 82 سەنتە، لە كاتێكدا بەیانی دوێنێ بە 75 دۆلار و 65 سەنت بوو.
هاوكات لە ئێستادا نرخی هەر بەرمیلێك نەوتی خاوی ئەمریكی لە بازاڕەكانی جیهان بە 65 دۆلار و 17 سەنت مامەڵەی پێوەدەكرێت، لەكاتێكدا بەیانی دوێنێ بە 65 دۆلار و 81 سەنت مامەڵەی پێوەدەكرا.
وڵاتانی ئەندام لە ڕێکخراوی ئۆپیک و بەشێک لە وڵاتانی دەرەوەی ڕێکخراوەکەش ئامادەیی خۆیان نیشان داوە تا کۆتایی ئەمساڵ بە بڕی ١.٨ ملیۆن بەرمیل نەوتی ڕۆژانە، بەرهەمهێنانی نەوت کەمبکەنەوە و بڕیاریشە ٢٢ی ئەم مانگە کۆببنەوە.
ئەوەش لەکاتێکدایە کە ناوەڕاستی مانگی ڕابردوو نرخی نەوت ٨٠ دۆلاری تێپەڕاند و ئەوەش بەرزترین ئاستی بوو لە کۆتایی ساڵی ٢٠١٤وە.
Kurdish