ئه‌مڕۆ نرخی نه‌وت له بازاڕه‌كانی جیهان به‌شێوه‌یه‌كى به‌رچاو رووى له دابه‌زین كرد و له ئێستادا هه‌ر به‌رمیلێك له خوار 77 دۆلاره‌وه مامه‌ڵه‌ى پێوه‌ده‌كرێت.
به‌یانى ئه‌مڕۆ شه‌ممه رێكه‌وتی 26 ی ئایارى 2018، نرخی به‌رمیلێك نه‌وت له جۆری برێنت به 76 دۆلار و 47 سه‌نته.
هاوكات له ئێستادا نرخى هه‌ر به‌رمیلێك نه‌وتى خاوى ئه‌مه‌ریكى له بازاڕه‌كانى جیهان به 67 دۆلار و 88 سه‌نت مامه‌ڵه‌ى پێوه‌ده‌كرێت.
دابه‌زینى نرخى نه‌وت له بازاڕه‌كانى جیهان بۆ خوار 77 دۆلار پاش ئه‌وه‌دێت، كۆتایى هه‌فته‌ى رابردوو نرخى هه‌ر به‌رمیلێك له سه‌رو 79 دۆلاره‌وه مامه‌ڵه‌ى پێوه‌ده‌كرا.
Kurdish