نرخی نەوتی خاو لە بازاڕەكانی جیهان دابەزینی بەخۆوە بینی دوای ئەوەی هەفتەی رابردوو نرخەكەی نزیك بووەوە لە 80 دۆلار.
نرخی بەرمیلێك نەوتی برێنت ئەمڕۆ لە بازاڕەكانی جیهاندا بە 78.63 دۆلار مامەڵەی پێوەكرا.
هەروەها نرخی بەرمیلێك نەوتی تەكساس بە 70.60 دۆلار مامەڵەی پێوەكرا.
ئەوەش لەكاتێكدایە كە هەفتەی ڕابردوو نرخی نەوت 80 دۆلاری تێپەڕاند و گەیشتە بەرزترین ئاست لەماوەی چوار ساڵی رابردوودا.
بەرزبوونەوەی نرخی نەوت بۆ ئەو ئاستە دوای ئەوە هات كە ویلایەتە یەكگرتووەكان ئەمەریكا سزای ئابووری زیاتری بەسەر ئێراندا سەپاند، كە ڕێژەی لەسەدا 4ی نەوتی جیهان بەرھەم دەھێنێت.
ھەروەھا بەردەوامی بەرزبوونەوەی نرخی نەوت ھۆكارەكەی پەیوەستە بە پابەندبوونی وڵاتانی ئەندام لە ڕێكخراوی ئۆپێك بۆ كەمكردنەوەی ئاستی بەرھەمھێنانی نەوت.
Kurdish