تادێت سزاكانی واشنتۆن لەسەر تاران قورستر دەبن و وەزارەتی خەزێنەی ئەمریكاش 9 كەسایەتی و كۆمپانیای ئێرانی و توركی و 31 فڕۆكەی خستە نێو لیستی سزاكانییەوە.
وەزارەتەكە رایگەیاند، ئەو كۆمپانیایانەی كە كراونەتە ئامانجی سزاكان، سەر بە هەردوو كۆمپانیای فرۆكەوانی ماهان ئێر و میعراج ئێرن. جگە لەوەش ژمارەیەك فڕۆكەی كۆمپانیاكان و چەند فڕۆكەیەكی سەر بە كۆمپانیای كاسبیان ئێرلاینز و بۆیا ئێر خراونەتە نێو لیستی سزادراوەكانەوە.
وەزارەتی خەزێنەی ئەمریكا رایگەیاند، ئەو كۆمپانیایانە، بەتایبەتیش ماهان ئێر، رۆڵیان هەبووە لە فراوانكردنی هەژموونی ئێران بەسەر رۆژهەڵاتی ناوەڕاستدا.
ساڵی 2011ش ویلایەتە یەكگرتووەكان سزای بەسەر كۆمپانیای ماهان ئێردا سەپاندبوو، ئەویش بەو پێیەی پەیوەندی لەگەڵ سوپای پاسدارانی ئێراندا هەیە.
Kurdish