نرخی یەک ئۆنسە زێڕ لە بازاڕەکانی جیھاندا دابەزی و بە ١٢٩٠،٥ دۆلار مامەڵەی پێوەکرا.
دابەزینی نرخی زێڕ لە بازاڕەکاندا، ھاوکاتە لەگەڵ بوونی مەترسی لە بارەی ئەگەری بەرپابوونی شەڕی بازرگانی لە نێوان ئەمریکا و چین.
رۆژی یەکشەممەی رابردوو، وەزیری گەنجینەی ئەمریکا، ستیڤن منوچین رایگەیاندبوو کە لەوانەیە بە ھۆی وتار و لێدوانەکانی ئێستا، شەڕی بازرگانی لە نێوان ئەمریکا و چین بەرپابێت.
بەھای دۆلار لە بەرامبەر شەش دراو بە رێژەی لەسەدا ٠،٠٥ بۆ ئاستی ٩٣،٥١ بەرزبووەتەوە.
لە کاتژمێر ٠٦:٢١ نرخی یەک ئۆنسە زێڕ لە بازاڕەکاندا دابەزیوە و بە ١٢٩٠،٥ دۆلار مامەڵەی پێوەکرا.
ھاوکات نرخی یەک ئۆنسە زیو لە بازاڕەکاندا بەرزبوویەوە بە ١٦،٥١ دۆلار مامەڵەی پێوە کرا، ھەروەھا نرخی یەک ئۆنسە پلاتینیش بەرزبوویەوە و بە ٨٩٨،٩ دۆلار مامەڵەی پێوە کرا.
Kurdish