تا دێت نرخی نەوت روو لەبەرزبونەوە دەكاتو شارەزایانی ئابوریش بەشێك لە هۆكاری بەرزبونەوەی نەوت بۆ ئەو كیچشەو گرفتانە دەگەرێتەوە كەلە ئێستادا لەنێوان ئێران و ئەمریكا سەریان هەڵداوەو ئەمرۆ نرخی بەرمیل نەوت لەسەرو 79دۆلارەوە فرۆشراوە.
بەپێی هەواڵێكی ئاژانسی رۆیتەرز ئەمرۆ دوو نرخی یەك بەرمیل نەوتی خاوی برێنت لە بازاڕەكانی جیهاندا بەرزبوونەوەی بەخۆیەوە بینیوە یەك بەرمیل بە 79,06 دۆلار مامەڵەی پێوەكراوە .
لەلایەكی ترەوە هەربەپێی ئاژانسەكە ئەمڕۆ 2 شەممە نرخی یەك بەرمیل خاوی ئەمریكی بە 71 دۆلارو 71سەنت مامەڵەی پێوەكراوە.
بەپێی راپۆرتە هەواڵێكی سكای نیوز، نرخی نەوت لەبەرزبوونەوە بەردەوام دەبێت بەشێوەیەك تاكو كۆتایی ئەمساڵ دەبێتە نزیكەی (90) دۆلارو بۆ ساڵی داهاتووش بۆ (100) دۆلار بەرز دەبێتەوە.
بۆ ئەمساڵیش راپۆرتە ئابوورییەكان پێیان وایە بۆ مانگی داهاتوو پێشبینی كراوە نرخی نەوت هێشتا بەرز ببێتەوە تاكو دەگاتە (85) دۆلار.
Kurdish