له كۆتاى مامه‌ڵه‌ى هه‌فته‌ى رابردوودا، نرخه‌كانى نه‌وت دابه‌زینى به‌خۆیه‌وه بینى، به‌ڵام نه‌وتى خاوى برێنت ماوه‌ی شه‌ش هه‌فته‌يە له دواى یه‌ك، له ئاستێکی به‌رزدايە، ئه‌وه‌ش به‌هۆى كه‌مبوونه‌وه‌ى كتوپڕى به‌رهه‌مى نه‌وتى فه‌نزويلا و زۆربوونى خواست له‌سه‌ر نه‌وت.
نه‌وتى خاوى برێنت له كۆتا مامه‌ڵه‌دا، 79 سه‌نت دابه‌زی و به‌رمیلێك به 78 دۆلار و 51 سه‌نت فرۆشرا، له‌كاتێكدا له مامه‌ڵه‌ى رۆژى پێشووتر له‌سه‌روو 80 دۆلار مامه‌ڵه‌ى پێوه‌كرا، به‌گشتى نه‌وتى خاوى برێنت له‌سه‌ره‌تاى ئه‌مساڵه‌وه به‌ڕێژه‌ى17.5% به‌رزبوه‌تةوة.
پسپۆڕانى بوارى وزه‌ش پێيانوایه، كه له ماوه‌یه‌كى كورت مه‌ودادا، به‌هۆى زیادبوونى مه‌ترسیه جیوسیاسیه‌كان له خۆرهه‌ڵاتى ناوه‌ڕاستدا نرخه‌كان نه‌وت دووباره به‌رز ده‌بنه‌وه. نه‌وتى خاوى خۆرئاوى تێكساسيش به‌رێژه‌ى 0.29% دابه‌زى له كۆتا مامه‌ڵه‌دا، به‌رمیلێك به 71 دۆلار و 28 سه‌نت مامه‌ڵه‌ى پێوه‌كرا، ماوه‌ى سێ هه‌فته‌شه له دواى یه‌ك روو له به‌رزییه.
Kurdish