ئه‌مڕۆ نرخی نه‌وت له بازاڕه‌كانی جیهان رووى له دابه‌زین كرد و له ئێستادا هه‌ر به‌رمیلێك له خوار 79 دۆلاره‌وه مامه‌ڵه‌ى پێوه‌ده‌كرێت.
به‌یانى ئه‌مڕۆ شه‌ممه رێكه‌وتی 19 ی ئایارى 2018، نرخی به‌رمیلێك نه‌وت له جۆری برێنت به 78 دۆلار و 51 سه‌نته.
هاوكات له ئێستادا نرخى هه‌ر به‌رمیلێك نه‌وتى خاوى ئه‌مه‌ریكى له بازاڕه‌كانى جیهان به 71 دۆلار و 37 سه‌نت مامه‌ڵه‌ى پێوه‌ده‌كرێت.
دابه‌زینى نرخى نه‌وت له بازاڕه‌كانى جیهان پاش ئه‌وه‌دێت، ماوه‌ى چه‌ند رۆژێك بوو نرخى هه‌ر به‌رمیلێك بۆ سه‌رو 79 دۆلار به‌رزبووبووه‌وه.
Kurdish