بەهۆی بەرزبونەوەی نرخی نەوتی جیهانی و هاوردەكردنی بەرهەمەكەی لەدەرەوە نرخی بەنزین لە وێستگەكانی سوتەمەنی هەرێم رووی لەبەرزبونەوە كردوە و بۆ هەر لیترێك 25 دینار زیادیكردوە .
سەبارەت بە گرانبوونی نرخی بەنزینیش سۆران عەبدولغەفور بەڕێوەبەری چاودێری بازرگانی سلێمانی ڕایگەیاند: لە رێگەی لیژنە تایبەتەكانیانەوە بەدواداچونیان بۆ گرانبوونی نرخی بەنزین كردوەو بۆیان دەركەوتووە كە بۆهەر لیترێك (25) دیناری چۆتەسەر.
وتیشی: بەزبونەوەی نرخی بەنزین پەیوەندی بەنرخی جیهانی نەوت و بۆرسەی جیهانیەوە هەیەو لەبەرئەوەی بەنزینیش لەدەرەوە هاوردە دەكرێت و بازاڕی ئازادە، ناتوانین هیچ فشارێك بكەین بۆ ئەوەی نرخەكەی دابەزێت.
ئاشكراشیكرد كە لەرابردوودا باس لەوە كراوە بۆ چارەسەری ئەو گرفتە بتونرێت لەلایەن حكومەتی عیراقەوە بەنزین رەوانە بكرێت و ئەگەر ئەوكارەش بكرێت كاریگەری لەسەر دابەزینی نرخەكەی دەبێت.
Kurdish