“قوباد تاڵه‌بانى” جێگرى سه‌رۆكى حكومه‌تى هه‌رێمى كوردستان بڕیاریدا هه‌موو ئه‌و فه‌رمانبه‌رانه‌ی قه‌رزی سندوقی نیشته‌جێكردنیان وه‌رگرتووه، دانه‌وه‌ی قیسته‌كانیان به حكومه‌ت رابگیرێت تا كاتى چاره‌سه‌ربوونى قه‌یرانى دارایى.
ئه‌مڕۆ سێ شه‌ممه رێكه‌وتى 8 ى 5 ى 2018، “رێكه‌وت زه‌كى” ئه‌ندامى فراكسیۆنى یه‌كێتیى نیشتمانى كوردستان له ئه‌نجومه‌نى پارێزگاى سلێمانى له ئه‌كاونتى تایبه‌تى خۆى له فه‌یسبووك بڵاویكردووه‌ته‌وه “دوای نوسراومان له‌ڕێگه‌ی ئه‌نجومه‌نی پارێزگاوه بۆ به‌ڕێز جێگری سه‌رۆك وه‌زیران و ڕه‌زامه‌ندی به‌ڕێزیان و ئاڕاسته‌كردنی بۆ وه‌زاره‌تی دارایی، هه‌موو ئه‌و فه‌رمانبه‌رانه‌ی قه‌رزی سندوقی نیشته‌جێكردنیان وه‌رگرتووه، دانه‌وه‌ی قیسته‌كانیان به‌حكومه‌ت ده‌وه‌ستێت تا دوای ئاسایی بونه‌وه‌ی قه‌یرانی دارایی”.
Kurdish