ئه‌مڕۆ نرخی نه‌وت له بازاڕه‌كانی جیهان له ئاستێكى زۆر به‌رزدایه و له ئێستادا هه‌ر به‌رمیلێك له سه‌رو 74 دۆلاره‌وه مامه‌ڵه‌ى پێوه‌ده‌كرێت.
به‌یانى ئه‌مڕۆ یه‌ك شه‌ممه رێكه‌وتی 22 ی نیسانى 2018، نرخی به‌رمیلێك نه‌وت له جۆری برێنت به 74 دۆلار و 6 سه‌نته، له كاتێكدا به‌یانى دوێنێش به 74 دۆلار و 6 سه‌نت بوو.
هاوكات له ئێستادا نرخى هه‌ر به‌رمیلێك نه‌وتى خاوى ئه‌مه‌ریكى له بازاڕه‌كانى جیهان به 68 دۆلار و 40 سه‌نت مامه‌ڵه‌ى پێوه‌ده‌كرێت، له كاتێكدا به‌یانى دوێنێش به 68 دۆلار و 40 سه‌نت مامه‌ڵه‌ى پێوه‌ده‌كرا.
به‌رزبوونه‌وه‌ى نرخى نه‌وت له بازاڕه‌كانى جیهان بۆ سه‌رو 74 دۆلار، به به‌رزترین نرخ داده‌نرێت له ماوه‌ى ئه‌مساڵ و چه‌ندین ساڵى رابردوودا، له كاتێكدا به پێچه‌وانه‌وه و له مانگى شوباتى 2016 دا بۆ 27 دۆلار دابه‌زى.
Kurdish