عیراق ئاستی به‌رهه‌مهێنانی نه‌وت به‌رزده‌كاته‌وه‌

حكومه‌تی عیراق بڕیاریدا تا ساڵی 2022 ئاستی به‌رهه‌مهێنانی نه‌وت بگه‌یه‌نێته‌ 6 ملیۆن به‌رمیل له‌ رۆژێكدا.

ئاژانسی رۆیته‌رز بڵاویكردوه‌ته‌وه‌ ئه‌نجومه‌نی وه‌زیرانی عیراق ره‌زامه‌ندی له‌سه‌ر پلانێك ده‌ربڕیوه‌ بۆ به‌رزكردنه‌وه‌ی ئاستی به‌رهه‌مێنانی نه‌وت له‌ هه‌موو عیراق به‌شێوه‌ی قۆناغ به‌ قۆناغ.

ئه‌و سه‌رچاوه‌یه‌ راشیگه‌یاندوه‌، به‌پێی ئه‌و پلانه‌ حكومه‌تی عیراق ئاستی به‌رهه‌مهێنانی نه‌وت تا ساڵی 2022 بۆ 6.5 ملیۆن به‌رمیل رۆژانه‌ به‌رزده‌كاته‌وه‌.