نرخى نه‌وت له‌ ئاستێكى زۆر به‌رزدایه‌

ئه‌مڕۆ نرخی نه‌وت له‌ بازاڕه‌كانی جیهان له‌ ئاستێكى زۆر به‌رزدایه‌ و له‌ ئێستادا هه‌ر به‌رمیلێك به‌ نزیكه‌ى 70 دۆلار مامه‌ڵه‌ى پێوه‌ده‌كرێت.

به‌یانى ئه‌مڕۆ یه‌ك شه‌ممه‌ رێكه‌وتی 25 ی ئازارى 2018، نرخی به‌رمیلێك نه‌وت له‌ جۆری برێنت به‌ 69 دۆلار و 81 سه‌نته‌، له‌ كاتێكدا به‌یانى دوێنێش به‌ 69 دۆلار و 81 سه‌نت بوو.

هاوكات له‌ ئێستادا نرخى هه‌ر به‌رمیلێك نه‌وتى خاوى ئه‌مه‌ریكى له‌ بازاڕه‌كانى جیهان به‌ 65 دۆلار و 88 سه‌نت مامه‌ڵه‌ى پێوه‌ده‌كرێت، له‌ كاتێكدا به‌یانى دوێنێش به‌ 65 دۆلار و 88 سه‌نت مامه‌ڵه‌ى پێوه‌ده‌كرا.

له‌ رێكه‌وتی 16 ی 3 ی 2018 ه‌وه‌ نرخی نه‌وت له‌ بازاڕه‌كانی جیهان رووی له‌ به‌رزبوونه‌وه‌ كردووه‌، له‌ كاتێكدا پێش ئه‌وكاته‌ له‌ خوار 65 دۆلاره‌وه‌ مامه‌ڵه‌ی پێوه‌ده‌كرا.