نرخی نه‌وت له‌ به‌رزترین ئاستدایه‌

ئه‌مڕۆ نرخی نه‌وت له‌ بازاڕه‌كانی جیهان له‌ به‌رزترین ئاستدایه‌ و له‌ ئێستادا هه‌ر به‌رمیلێك له‌ سه‌رو 66 دۆلاره‌وه‌ مامه‌ڵه‌ى پێوه‌ده‌كرێت.

به‌یانى ئه‌مڕۆ یه‌ك شه‌ممه‌ رێكه‌وتی 18 ی ئازارى 2018، نرخی به‌رمیلێك نه‌وت له‌ جۆری برێنت به‌ 66 دۆلار و 5 سه‌نته‌، له‌ كاتێكدا به‌یانى دوێنێش به‌ 66 دۆلار و 5 سه‌نت بوو.

هاوكات له‌ ئێستادا نرخى هه‌ر به‌رمیلێك نه‌وتى خاوى ئه‌مه‌ریكى له‌ بازاڕه‌كانى جیهان به‌ 62 دۆلار و 41 سه‌نت مامه‌ڵه‌ى پێوه‌ده‌كرێت، له‌ كاتێكدا به‌یانى دوێنێش به‌ 62 دۆلار و 41 سه‌نت مامه‌ڵه‌ى پێوه‌ده‌كرا.

له‌ رۆژى هه‌ینی رێكه‌وتى 16 ى 3 ى 2018 ه‌وه‌ نرخی نه‌وت له‌ بازاڕه‌كانی جیهان رووى له‌ به‌رزبوونه‌وه‌ كردووه‌، له‌ كاتێكدا پێش ئه‌وكاته‌ له‌ خوار 65 دۆلاره‌وه‌ مامه‌ڵه‌ی پێوه‌ده‌كرا.