عەلی عوسمان, پارێزگاری هەڵەبجە رایدەگەیەنێت، بە هەوڵی (قوباد تاڵەبانی) جێگری سەرۆكی حكومەتی هەرێم، پارێزگای هەڵەبجە دەكەینە شارێكی پڕ جوڵەی بازرگانی‌و گەشتیاریی.
پارێزگاری هەڵەبجە لە یادی 30 ساڵەی كیمیابارانكردنی هەڵەبجە وتارێكی پێشكەشكرد‌و تیایدا ئاشكرایكرد، بەهەوڵی جێگری سەرۆكی حكومەتی هەرێم وا خەریكین پارێزگای هەڵەبجە لە شارێكی داخراوەوە، دەكەینە شارێكی پڕ جوڵەی بازرگانی‌و گەشتیاری، ئەویش بە تەواوكردنی ڕێكارەكانی بەنێودەوڵەتیكردنی مەرزی تەوێڵە‌و تەواوكردنی دووسایدی سەیدسادق- هەڵەبجە‌و جێبەجێكردنی چەند پڕۆژەیەكی تر.
Kurdish