وەزارەتی نەوتی عێراق بەنیازە ئاستی بەرھەمھێنانی نەوت لەچەند کێڵگەیەکی نەوت لەکەرکوک زیاد بکات.
کۆمپانیای نەوتی باکوور رایگەیاند، بەشێوەیەکی ئەزموونی دەستیان کردووە بە زیادکردنی بەرھەمھێنانی نەوت لە ھەردوو کێڵگەی ھاڤاناو بای حەسەن لەپارێزگای کەرکوک، بۆئەوەی لە داھاتوویەکی نزیکدا ٥٠ ھەزار بەرمیل نەوت رۆژانە بەرھەم بھێنرێت، بە ئامانجی دابینکردنی نەوت بۆ پاڵاوگە ناوخۆییەکان.
بەھۆی ناکۆکییەکانی نێوان حکومەتی عێراق و ھەرێمی کوردستان، ھەناردەکردنی نەوتی کەرکوک بۆ بەندەری جەیھانی تورکیا راگیراوە.
Kurdish