وەزارەتی دارایی و ئابووریی حكوومەتی هەرێمی كوردستان ڕەزامەندی لەسەر خەرجكردنی بڕی 48 ملیۆن دینار دەربڕیوە بە مەبەستی كڕینی فڕۆكەی بێ فڕۆكەوان بۆ یەكێك لە بەرێوەبەرایەتیەكانی.
بەپێی نووسراوی ژمارە 9/855 كە ڕۆژی 4/2/2018 بە واژووی ڕێباز محەمەد حەملان، وەزیری دارایی و ئابووریی حكوومەتی هەرێمی كوردستان دەركراوە ، ڕەزامەندی لەسەر خەرجكردنی بڕی 48 ملیۆن دینار دربریوە كڕینی فڕۆكەی بێ فڕۆكەوان.
بەپێی نووسراوەكە ئەوە خراوەتە ڕوو كە بەو بڕە پارەیە، فڕۆكەی بێ فڕۆكەوان (DRONE) بۆ بەڕێوەبەرایەتی گشتیی نەخشەدانانی ئاوەدانی بۆ ڕووپێوكاری شار و شارۆچكەكان دەكڕن كە بەپێی بەرنامەی پێویست و خولی فێربوون، كاری پێ دەكرێت.
ئەوەش ئاشكرا كراوە كە بڕە پارەكە لەسەر بودجەی بەڕێوەبەرایەتیی گشتیی ژمێركاریی خەرجییەكان خەرج دەكرێت.
Kurdish