بۆ یەکەمجار لە ماوەی دوو هەفتەی رابردوودا ، بەهای دراوی دیجیتاڵی بیتکۆین گەڕایەوە سەرووی 10 هەزار دۆلار. بیتکۆین بەراورد بە مانگی 12 ی ساڵی2017 سەدا 70 ی بەهاکەی لەدەستداوە.
لە یەک مانگی رابردوودا بازاڕی دراوە دیجیتاڵییەکان پڕبووە لە هەواڵی ناخۆش ، دوای ئەوەی چەندین وڵاتی گرینگ مامەڵەکردن بەو جۆرە دراوانەیان سنووردار کرد.
هەروەها هەندێ راپۆرت سەبارەت بە هاککردنی بڕێکی بەرچاوی بیتکۆین لە ژاپۆن کاریگەری لەسەر بازاڕی دراوە دیجیتاڵییەکان دروستکردووە.
لە چەند هەفتەی رابردوودا، بڕی 533 ملیۆن دۆلار بیتکۆین بەهۆی هاککردن لەلایەن هاکەرەکانەوە دزراوە، ئەوەش گومانی دروستکردووە لەسەر ئاسایشی دراوە دیجیتاڵییەکان.
بازاڕی دراوە دیجیتاڵییەکان هەروەها گومانیان لەسەرە کە رووبەڕووی بڵقی نرخەکان بوونەتەوە بەهۆی ئەو خواستە ناسرووشتییەی کە بۆ ئەو دراوانە دروستبووە.
Kurdish