نرخی نەوت رووی لە بەرزبوونەوە كردەوە

دوای ئەو دابەزینەی دوێنێ پێنج شەممە تۆماری كرد، لە بەیانی ئەمڕۆ جارێكی تر نرخی نەوت رووی لە هەڵكشان كردەوە.

رۆژی پێنج شەممە لە كاتی داخستنی بازاڕدا نرخی یەك بەرمیل نەوتی برێنت بە 69 دۆلار و 65 سەنت بوو، بەیانی ئەمڕۆ هەینی لە كاتی كردنەوەی بازاڕدا بە 69 دۆلار و 74 سەنت بوو، لە ئێستاشدا بۆ 69 دۆلار و 91 سەنت بەرزبوەتەوە.

لە لایەكی ترەوە، یەك بەرمیل نەوتی خاو كە ئێوارەی دوێنێ بە 65 دۆلار و 80 سەنت بوو بەیانی ئەمڕۆ بۆ 66 دۆلار و 1 سەنت بەرزبوەوە و لە ئێستاشدا زیاتر هەڵكشاوە و بە 66 دۆلار و 14 سەنت مامەڵەی پێوەدەكرێت.