نرخی نەوت زیاتر دادەبەزێت

دوای ئەوەی لەچەند رۆژی رابردوودا نرخی نەوت بەرزترین ئاستی لەماوەی سێ ساڵی رابردوودا تۆمارکرد، لەئێستادا ئەو نرخە روو لەدابەزین دەکات.

بەپێی ئاژانسی رۆیتەرز، نرخی نەوتی خاوی برینت 45 سەنت کە دەکاتە لەسەدا 0.7ی نرخەکەی لەدەستداوەو هەر بەرمیلێکی بە 67.62 دۆلار فرۆشراوە، ئەوەش دوای ئەوە دێت لەهەفتەی رابردوودا نرخی هەر بەرمیلێکی برینت گەیشتە 68.27 دۆلار.

هاوکات نرخی نەوتی خاوی رۆژئاوای تەکساسی ئەمەریکی 57 سەنت کە دەکاتە 0.92 دۆلار دابەزیووە و هەر بەرمیلێکی لەبازاڕەکانی جیهاندا بە 61.44 دۆلار فرۆشراوە. پێشتر نرخی نەوتی ئەمەریکی گەیشتبووە 62.21 کە بەرزترین ئاستی بوو لەمانگی ئایاری 2015ەوە.

هۆکاری دابەزینی نرخی نەوت دەگەڕێتەوە بۆ زیادبوونی ئاستی بەرهەمهێنانی نەوت لەکێڵگە نەوتییەکانی ئەمەریکا کە کاریگەریی نەرێنی هەبووە لەسەر بازاڕی نەوت لەجیهاندا.