ئه‌نجومه‌نی وه‌زیرانی هه‌رێم له‌سه‌ر پێشنیاری وه‌زاره‌تی بازرگانی و پیشه‌سازی بڕیاری دیاریكردنی كرێ و باجی كۆمپانیا ناوخۆیی و بیانییه‌كان ده‌ركرد، ئه‌مه‌ش له‌پێناو “ره‌خساندنی ده‌رفه‌ت بۆ بازرگانی و وه‌به‌رهێنان “.
به‌پێی بڕیارەكەی ئه‌نجومه‌نی وه‌زیرانی هەرێم، رێژه‌ی وه‌رگرتنی پاره له‌سه‌رجه‌م كۆمپانیا ناوخۆیی و بیانییه‌كان بۆ ساڵی 2018 دیاریكراوه.
خشته‌ی ره‌سمه‌كانی یاسای كۆمپانیاكان له هه‌رێمی كوردستان
1.تۆماركردنی كۆمپانیای خۆماڵی، 50 هه‌زار دینار.
2.پوول و سه‌رمایه بۆ هه‌ر یه‌ك ملیۆن دینار بۆ كۆمپانیای خۆماڵی، چوار هه‌زارو 500 دینار.
3.كردنه‌وه‌ی لقی كۆمپانیاكانی بیانی، 200 هه‌زار دینار.
4.ده‌ركردنی بڕیاری هه‌مواركردنی كۆمپانیاكان، 50 هه‌زار دینار.
5.تۆماركردنی كۆمپانیای هاوبه‌ش، 300 هه‌زار دینار.
6.زیادكردنی سه‌رمایه‌ی كۆمپانیا بۆ هه‌ر یه‌ك ملیۆن دینار، دوو هه‌زارو 500 دینار.
7.ده‌ركردنی بڕیاری پاكتاوكردن، 50 هه‌زار دینار.
8.تۆماركردنی بریكارنامه‌ی بازرگانی، 50 هه‌زار دینار.
9.ده‌ركردنی مۆڵه‌تی بریكارنامه‌ی بازرگانی، 25 هه‌زار دینار.
10.نوێكردنه‌وه‌ی مۆڵه‌تی بریكارنامه‌ی بازرگانی، 10 هه‌زار دینار.
11.كه‌شفی تۆماری عمولات، 10 هه‌زار دینار.
12.داخستنی په‌ڕاوی عمولات، 10 هه‌زار دینار.
13.راستاندنی تۆماری پێشكه‌شكراو، 10 هه‌زار دینار.
كرێی تۆماركردنی كۆمپانیاكان له وه‌زاره‌تی بارزگانی و پیشه‌سازی هه‌رێم
1.وردبینی به‌ڵگه‌نامه‌كان و گرێبه‌ستی سه‌رجه‌م كۆمپانیاكان، 50 هه‌زار دینار.
2.وردبینی ژمێركاری ساڵانه‌ی كۆمپانیاكان، 50 هه‌زار دینار.
3.بڵاوكردنه‌وه‌ی بڕیارو داوه‌تنامه‌كان، 25 هه‌زار دینار.
4.دراسه‌تكردنی گرێبه‌ستی دامه‌زراندنی كۆمپانیاكانی هاوبه‌ش و لێكۆڵینه‌وه‌ی كه‌ڵكی ئابووری، 100 هه‌زار دینار.
5.پشكنینی كۆمپانیاكان له‌ناو شاره‌كان، 25 هه‌زار دینار.
6.پشكنینی كۆمپانیاكان له ده‌ره‌وه‌ی شاره‌كان، 50 هه‌زار دینار.
7.راوێژكاری تایبه‌ت به كۆمپانیاكان، 25 هه‌زار دینار.
8.په‌سه‌ندكردنی گرێبه‌ست و به‌ڵگه‌نامه‌كان، 25 هه‌زار دینار.
9.مامه‌ڵه‌ی دامه‌زراندنی به‌ڕێوه‌به‌ری رێپێدراو، 25 هه‌زار دینار.
10.داواكاری پشگیری، 25 هه‌زار دینار.
11.ئاماده‌بوونی نوێنه‌ر له كۆبوونه‌وه‌ی ده‌سته‌ی گشتی كۆمپانیا، 25 هه‌زار دینار
12.ئه‌نجامدانی كۆبوونه‌وه‌ی ده‌سته‌ی گشتی له باڵه‌خانه‌ی تۆماركردنی كۆمپانیاكان، 25 هه‌زار دینار.
Kurdish