قەبارەی ئاڵوگۆڕی بازرگانی نێوان عیراق‌و ئێران لەساڵی 2017دا گەیشتوەتە 13 ملیار دۆلار‌و لێپرسراوی كارە بازرگانییەكانی ئێران لەعیراقیش دەڵێت، لەماوەی 10 ساڵی رابردوودا هەناردەكانی ئێران بۆ عیراق ١٧ هێندە زیادیكردووە.
محەمەد رەزا زادە لێپرسراوی كارە بازرگانییەكانی ئێران لەعیراق رایگەیاند، لەساڵی 2003وە قەبارەی ئاڵوگۆری بارزگانی نێوان ئێران‌و عیراق نەگەیشتۆتە ئەم ئاستەی ئێستا‌و لەساڵی 2017دا ئاڵوگۆڕی بازرگانی نێوان عیراق‌و ئێران 13 ملیار دۆلار بووە، لەو بڕەش 6 ملیارو 200 ملیۆن دۆلاری داهاتی هەناردەی كاڵاو شمەكی نا نەوتی بووە كە لە ئێرانەوە بۆ عیراق هەناردەكراوە.
وتیشی، هەناردەكانی ئێران بۆ عیراق لەماوەی 10 ساڵی رابردوودا 17 هێندە زیادی كردووە، جگە لەوەش بەردەوام كەرتی گەشتیاری هەردوو وڵات چالاك بووەو پێشوازی لەگەشتیارانی هەردوولا كراوە.
Kurdish