هاوژین سالار بەڕێوبەری گومرگی سلێمانی لە كۆنگرەیەكی رۆژنامەوانیدا دەستی لە كار كێشایەوە و رایگەیاند: دوای ئەو گۆڕانكارییانەی جێگری سەرۆكی حكومەتی هەرێمی كوردستان ئەنجامیداوە لە سنووری سلێمانی یەكێك لەو بەڕێوبەرایەتیانە گومرگی سلێمانیە و بۆیە ئەو وەك هەستكردنێك بەبەرپرسیارێتی و پشتیوانی بۆ بڕیاری گۆڕانكارییە ئیدارییەكان دەستی لەكاركێشاوەتەوە .
هاوكات هەر لە میانی كۆنگرە رۆژنامەوانیەكەدا بەرێوبەری گومرگی سلێمانی ئاماری 4 ساڵی بەڕێوبەرایەتیەكەی خستەڕوو كە هەزار و 348 تۆن خواردەمەنی جۆراو جۆر دەستی بەسەر داگیراوە و تەلەفكراوە.
Kurdish