بانکی ناوەندی عێراق ڕایدەگەیەنێت، لە ئێستادا یەدەگی دۆلار لە عێراق 110 ملیار دۆلار تێپەڕاندوە.
محەمەد یونس، بەڕێوەبەری فەرمانگەی وەبەرهێنان لە بانکی ناوەندی عێراق لە لێدوانێکی تایبەتدا ڕایگەیاند: وەبەرهێنانی بانکی ناوەندنی لە بنەڕەتدا پاراستنی یەدەگی دراوی بیانییە و لە چەند بابەتێکدا خۆی دەبینێتەوە و لەوانەش سیولە و وەبەرهێنان.
لە درێژەی قسەکانیدا محەمەد یونس دەڵێت: یەدەگی دراوی بیانی لە ئێستادا 110 ملیار دۆلاری تێپەڕاندوە و زۆربەی ئەو پارەیەش وەبەرهێنانی تێدا كراوە، چونكە دەتوانرێت بەبێ مەترسی بەكاربهێندرێت.
ئاماژەی بەوەشکردوە، هەموو هەوڵێکییان دەدەن کە بچنە ناو ئەو وەبەرهێنانەی کە داهات زیاد دەکەن و مەترسییان لەسەر یەدەگی دراوەکانی نییە وخۆیان لەو بابەتانە بەدوربگرن کە مەترسییان بۆ سەر یەدەگی دراوەکان هەیە.
Kurdish