بەئامادەبونی سەرۆکی ژوور و جێگران و ئەندامانی ئەنجومەنی کارگێڕی و بەرێوبەری ژوور، ڕێکەوتی ٢٠٢٣/٦⁄٦ کۆبونەوەی ئاسایی مانگانەی ئەنجومەنی کارگێڕی ژووری بازرگانی‌و پیشەسازی سلێمانی بەڕێوەچوو.
لە کۆبونەوەکەدا باس لە جوڵەی بازرگانی کرا لە دەروازە سنورییەکان، کێشەکانی بازرگانان خرایەوەڕوو، بڕیاردرا کار بکرێت بۆ چارەسەرکردنی کێشەکان، هەوڵ بدرێت جوڵەی بازرگانی لەدەروازەکانی هەرێمی کوردستان زیاد بکرێت.
بەشێکی کۆبونەوەکە باسکردنی پەیوەندییە بازرگانییەکان بوو لەگەڵ وڵاتانی جیهان و گرنگیدان بە كه‌رته‌كانی گه‌شتوگوزار و کشتوکاڵ تا بتواندرێت بەرهەمی ناوخۆی زیاد بکرێت و دەرفەتی کاری زیاتر بره‌خسێنرێت.
لەکۆبونەوەکەدا تیشک خرایە سەر کەرتی پیشەسازی‌و پرۆژەی بچوک کە حکومەت گرنگی زیاتر بە کەرتی پیشەسازی بدات و قەرزی بچوک بدات بە گەنجان، تا بتواندرێت بەرهەمی ناوخۆی زیاد بکرێت و دەرفەتی کاری زیاتر برەخسێنن، وە حکومەت هاوکاری تەواوی ئەو کەرتە بکات و لەپێدانی خزمەتگوزاریەکان هاوکاریان بێت و نرخیان لەسەر هەرزان بکات.
Kurdish