بەڕێوەبەرایەتی کارەبای سلێمانی ئاگاداری بۆ هاوڵاتیانە هەیە، کە سیستمی بەرهەمهێنانی وزەی کارەبای خۆریان داناوە، تا ناوی خۆیان لە بەڕێوەبەرایەتییەکەیان تۆماربکەن، تا ڕێنمای وەربگرن و پێوەری زیرەکیان بۆ چالاک بکرێت.
ئەمڕۆ بەڕێوەبەرایەتی گشتی کارەبای سلێمانی فۆڕمێکیان لە پەڕەی فەرمی خۆیان لە تۆڕی کۆمەڵایەتی فەیسبووک بڵاوکردووەتەوە، تا ئەو ماڵانەی سیسمی بەرهەمهێنانی وزە خۆریان داناوە و تێکەڵ بە کارەبای نیشتیمانیان کردرووە خۆیان تۆماربکەن.
ئەمەش لەپێناو پێدانی ڕێنمایی و خوێندنەوەی ئەو بڕە کارەبای کە بەرهەمی هێناوە و چالاککردنی پێوەری زیرەکی کارەبا بۆ ئەو ماڵانە، تا خوێندنەوەى کارەباى هاتوو و دەرچوویان بۆ هەژمار بکرێت، هەروەها پێدانی هەر زانیارییەكی پێویست دەربارەی سیستمەكەیان لەلایەن بەشی وزە نوێبووەكانی بەرێوەبەرایەتی گشتی کارەبای سلێمانی.
Kurdish