رێکەوتی ١٤/١/٢٠٢٥ ستافی کۆمپانیای (گۆڵدن ئەیکۆرن) سەردانی ژووری بازرگانی سلێمانیان کرد، لەلایەن بەڕێز سەرۆکی ژووری بازرگانی نەوزاد غەفور پێشوازیان لێکرا، لەمیانەی کۆبوونەوەکەدا کۆمپانیای ناوبراو پلان و پڕۆژەی کۆمپانیاکەیان بۆ ژووری بازرگانی سلێمانی خستەڕوو، کاردەکەن لەسەر بواری کلتووری و هونەری و گەشتیاری و فەرهەنگی و مێژووی و هەوڵی ناساندنی شاری سلێمانی دەدەن،بەجیهانی دەرەوە و بەکەسانی بیانی بەئومێدی ئەوەی ببنە پردێکی پەیوەندی لەنێوان شاری سلێمانی و وڵاتانی بیانی.
ژووری بازرگانی و پیشەسازی سلێمانی پاڵپشتی و هاوکاری خۆی بۆ کۆمپانیای گۆڵدن دووپاتکردەوە
کۆمپانیای (گۆڵدن ئەیکۆرن) لەڕۆژی ١٣/١١/٢٠٢٤ لەئیڤێنتێکی ناوازەدا ناساندنی خۆی ڕاگەیاند، لەچوارچێوەی ئیڤێنتەکەدا فلیمێکی کەلایەن کۆمپانیاکەوە لەسەر بوونیادنانی شاری سلێمانی بەرهەم هێناوە، لەڕۆژی ناساندنەکەدا نمایشکرا، گۆڤارێکی شایستەی لەبواری ڕێبەی گەشتیاری بۆ سلێمانی ئامادەکرد و بەچاپی گەیاند،بۆ ئاشناکردن و ناساندنی ناوچەکانی شاری سلێمانی کە بۆ گەشتیاران دەبێتە ڕێبەرێکی فەرمی و ستاندارد دەتوانن سوودمەند بن.
Kurdish