بەمەبەستی گفتوگۆکردن لەبارەی دروستکردنی ناوچەی پیشەسازی لە سنوری پارێزگای سلێمانی کۆبونەوەیەی ژووری بازرگانی و پیشەسازی سلێمانی و بەڕێوەبەرایەتی وەبەرهێنانی سلێمانی و دەستەی وەبەرهێنان ئەنجامدرا.
نەوزاد غەفور،سەرۆکی ژووری بازرگانی و پیشەسازی سلێمانی و جێگری سەرۆک و ژمارەیەک لەئەندامانی ئەنجومەنی کارگێڕی ژوور، کۆبونەوەیەکیان لەگەڵ د.پشتیوان حەمە سەعید،بەڕێوەبەری گشتیی شار و ناوچە پیشەسازییەكان وەبەرهێنان و عەزیز سەعید،بەڕێوەبەری گشی وەبەرهێنانی سلێمانی و (ڕێکخراوی دارای نێودەوڵەتی IFC ) کۆبونەوەیەکیان لە پارێزگای سلێمانی ئەنجامدا تایبەت بە دروستکردنی ناوچە پیشەسازیەکانی عەربەت و دەوروبەری.
لەکۆبونەوەکەدا نەوزاد غەفور،سەرۆکی ژووری بازرگانی و پیشەسازی سلێمانی بەگرنگیەوە باسی لە ناوچە پیشەسازیەکان کردو ئاماژەی بەوەدا ژووری بازرگانی بەگرنگی دەزانێت دروستکرنی ناوچەی پیشەسازیەکان پەلەی تێدابکرێت و بەشێوازێکی مۆدێرن دروستبکرێت.
ئەوەشی راگەیاند وەک ژووری بازرگانی پشتیوانی تەواوی ئەو پرۆژەیە دەکەن و هەموو هەوڵێک دەدەن بۆ خێرا ڕاپەڕاندنی کارەکانی هیوای خواست دەستەی
وەبەرهێنان و وەبەرهێنانی سلێمانی پرۆژەی ناوچە پیشەسازیەکان دیاریبکەن و هاوکاربن لەخێرا تەواوبونی.
سەرۆکی ژووری بازرگانی تائکید لە گرنگی دروستکردنی ناوچە پیشەسازیەکان دەکاتەوە
![](https://www.sulcci.com/files/2024/06/447626891_476576774910134_1294781337872886129_n.jpg)