راوێژكارێكی سودانی: دو هۆكار خۆشگوزه‌رانی ئابوری بۆ خه‌ڵك ده‌هێنن

مه‌زهه‌ر محه‌مه‌د ساڵح له‌ لێدوانێكی رۆژنامه‌وانیدا رایگه‌یاند، “به‌رده‌وامیی گه‌شه‌سه‌ندن له‌ به‌رهه‌می گشتیی ناوخۆی وڵاتدا په‌یوه‌سته‌ به‌ توانای دابینكردنی دو شت، یه‌كه‌میان، وه‌به‌رهێنانی ده‌ستبه‌جێ له‌ ژێرخانی وڵاتدا، به‌ تایبه‌تی تۆڕه‌كانی ئاو و كاره‌با، ڕێگاوبان، گواستنه‌وه‌، دوه‌میش ده‌ستپێكردنی ده‌ستپێشخه‌ریه‌ بۆ پڕۆژه‌ی هاوبه‌ش له‌ بواری دارایی و به‌ڕێوه‌بردنی نێوان ده‌وڵه‌ت و كه‌رتی تایبه‌ت به‌رهه‌می كشتوكاڵی گه‌وره‌ و پیشه‌سازییه‌ په‌یوه‌ندیداره‌كان و چه‌ند پرۆژیه‌یه‌كی دیكه‌، هه‌روه‌ها په‌ره‌پێدانی خزمه‌تگوزارییه‌ جۆراوجۆره‌كان، كه‌ پێویستی به‌ جێبه‌جێكردنی ده‌ستبه‌جێی به‌رنامه‌ی حكومه‌ت هه‌یه‌ سه‌باره‌ت به‌ گرنگی سندوقه‌كانی گه‌شه‌پێدان و ئه‌و ڕۆڵانه‌ی كه‌ ده‌یگێڕن له‌ به‌رده‌وامكردنی دارایی گه‌شه‌پێدانی ئابوری به‌ شێوه‌یه‌ك كه‌ دو ئامانجی گرنگ به‌ده‌ستبهێنێت”.

ئاماژه‌ی به‌وه‌شكرد، “دو ئامانج بۆ گه‌یشتن به‌ خۆشگوزه‌رانی ئابوری هه‌ن ئه‌وانیش بریتین له‌ كه‌مكردنه‌وه‌ی ڕێژه‌ی بێكاری بۆ كه‌مترین ئاستی ئاسایی، ئه‌وه‌ی دیكه‌ش گه‌یشتنه‌ به‌ ڕێژه‌ی گه‌شه‌كردن له‌ به‌رهه‌می ناوخۆیی وڵات كه‌ له‌ ڕێژه‌ی گه‌شه‌ی دانیشتوان زیاتره‌ به‌ مه‌به‌ستی به‌رده‌وامبونی خۆشگوزه‌رانی و كه‌ڵه‌كه‌بونی سه‌رمایه‌، به‌ شێوه‌یه‌ك كه‌ زۆرترین وه‌به‌رهێنانی به‌رده‌وام له‌ سوڕی ژیانی گه‌شه‌سه‌ندنی ئابوری له‌ وڵاته‌كه‌مان بكرێت”.

ئاوێنه‌: راوێژكاری سه‌رۆك وه‌زیران ئه‌وه‌شیخسته‌ڕو، “به‌ره‌وپێشبردنی گه‌شه‌پێدان و پێشكه‌وتنی ئابوری، كه‌ ئێمه‌ ئاواته‌خوازین، پێویستی به‌ به‌ره‌نگاربونه‌وه‌ی گه‌نده‌ڵی و ڕه‌گه‌كانی هه‌یه‌، كه‌ هێشتا بارگرانیه‌كه‌ی له‌سه‌ر گه‌شه‌پێدان به‌ ڕێژه‌ی نزیكه‌ی 40% له‌ تێچوی پڕۆژه‌ی وه‌به‌رهێنانی ئاسایی زیاتره‌، ئه‌مه‌ش تێچوی ناڕاسته‌قینه‌ی زیاده‌یه‌ كه‌ له‌ ئه‌ستۆ ده‌گیرێت له‌لایه‌ن پڕۆژه‌كانی گه‌شه‌پێدانه‌وه‌، جگه‌ له‌ دواخستنی جێبه‌جێكردنیان و دروستكردنی ئاسته‌نگ بۆیان”.

مه‌زهه‌ر محه‌مه‌د ساڵح ئه‌وه‌شی ئاشكراكرد، “ده‌ستپێكردنی گه‌شه‌پێدان په‌یوه‌سته‌ به‌ كه‌مكردنه‌وه‌ی تێچوی گه‌نده‌ڵی و هه‌ڵوه‌شاندنه‌وه‌ی سیستمه‌كانی وه‌ك مه‌رجێكی پێویست بۆ سه‌قامگیری بنیاتنانی بناغه‌كانی داهاتو كه‌ به‌رنامه‌ی حكومه‌تی نوێی له‌سه‌ر بنیادنراوه‌”.