دۆلار نرخێکی پێوانەی تۆمارکرد و گەیشتە سەرو ١٦٠ هەزار

نرخی دۆلار له‌ بازاڕی دراوی هه‌رێمی كوردستان نرخێکی پێوانەی تۆمارکرد و گەیشتە بەرزترین ئاست.

ئه‌مڕۆ سێشەممە‌، به‌پێی ئه‌و نرخانه‌ی له‌ بۆرسه‌ی دراوی به‌غداو هه‌رێم-ه‌وه‌ ده‌ستكه‌وتووه‌، نرخی 100 دۆلار به‌ 160هه‌زار  دیناره‌ بەشێوەی فرۆشتنی کۆ، بە فرۆشتنی تاکیش بە 160 هه‌زار و 250 دیناره‌‌.

رۆژی 19-12-2020، بانکی ناوەندی عێراق نرخی فرۆشتنی 100 دۆلاری بە 145 هه‌زار بۆ مامه‌ڵه‌ی حكومه‌ت و بۆ فرۆشتنی به‌ هاوڵاتیانیش بە 147 هەزار دینار دیاریکرد.

نرخی دراوه‌كان به‌كڕینی كۆ (جومله)

 100 دۆلار به‌ 160 هه‌زار دیناره‌.
100  پاوه‌ن بە 193 هەزار دیناره.
 100 یۆرۆ به‌ 170 هه‌زار و 500 دیناره‌.
100 لیره‌ی توركی به‌ 8 هه‌زارو 750 دیناره‌.
100 هه‌زار تمه‌ن به‌ 4 هه‌زار دیناره‌.