بەهۆی بڕیارێکی حکومەتی ئەمریکا بۆ بەرزکردنەوەی سودی بانکی، نرخی نه‌وتی خاو له بۆرسه‌ی جیهانی ئه‌مڕۆ دوشەممە به‌راورد به چه‌ند رۆژی رابردو دابەزی، به‌جۆرێك له‌ئێستادا یه‌ك به‌رمیل نه‌وتی برێنت به 102.49 دۆلار و یه‌ك به‌رمیل نه‌وتی خاوی تێكساسیش به 93.87 دۆلار مامه‌ڵه‌ی پێوه‌ده‌كرێت.
ئه‌مڕۆ دوشەممە له بۆرسه‌ی جیهانی، نرخی یه‌ك به‌رمیل نه‌وتی برێنت 0.71 دۆلار دابەزی و گه‌یشته 102.49 دۆلاری ئه‌مریكی، هه‌روه‌ها نرخی نه‌وتی تێكساسی ئه‌مریكاش به‌ڕێژه‌ی 0.83 دابەزی و نرخی به‌رمیلێك به‌رامبه‌ره به 93.87 دۆلاری ئه‌مریكی.
هۆکاری دابەزینی نرخی نەوت لەم هەفتەیەدا دەگەڕێتەوە بۆ بڕیارێکی ئەمریکا بۆ بەرزکردنەوەی سودی بانکی، کە بازرگانان باوەڕیانوایە دەبێتەهۆی سستبونەوەی بازاڕەکان و لە ئەنجامیشدا خواست لەسەر کڕینی نەوت کەمتر بوەتەوە.
لەلایەکی دیکەشەوە ته‌شه‌نكردنه‌وه‌ی ڤایرۆسی كۆرۆنا له چین و مه‌ترسی له‌سه‌ر خاوبونه‌وه‌ی گه‌شه‌ی ئابوری جیهانی، وایکردوە خواست له‌سه‌ر نه‌وتیش ڕو له كه‌مبونه‌وه بکات.
له‌ماوه‌ی پێنج مانگی رابردو به‌هۆی هه‌ڵگیرسانی جه‌نگی ئۆكرانیا، نرخی نه‌وت به‌رزبونه‌وه‌ی به‌رچاوی به‌خۆیه‌وه بینیوه و پێشبینی ده‌كرێت نرخه‌كه‌ی له‌م ئاسته‌ی ئێستادا بمێنێته‌وه.
Kurdish