خەرج دەكرێ

كورد- یا بلێم لای ئێمە- من خەڵكی سلێمانیم بە پارە سەرف كردن، یا شت كڕین دەڵێن: خەرج كردن- جا ئەم ووشەی (خەرجكردن)ە لە ووشەی (خرج)- واتە چوونە دەرەوەی عەرەبی یەوە هاتبێ یا نا- ئەوە با بڵێم هەر خوا ئەیزانێ- چونكە لەزۆر شتدا كە دڵنیا نەبم ڕانادەم. بەڵام ڕەنگە ووشەی خەرجكردنەكە لە فرمانی(خرج) واتە(چووە دەرەوەی عەرەبی یەوە( هاتبێ‌و دەتوانن وێنەیەك بهێننە بەرچاوتان- كە پارە لە گیرفانەوە دێتە دەرەوە‌و دەچێتە بازاڕ‌و دەدرێتە دەست ئەو كەسەی شتی لێ دەكرێ.
شوكور ئەوانەی دەمناسن، دەزانن من پارە هەڵناگرم‌و هەقم بەسەر شت كڕینی ماڵیشەوە نی یە. خوا ئەو ئەركەی لە كۆڵ كردوومەتەوە كە لە ماڵان- ئەركی پیاوە. بەڵام ئەوەتا وەك كەسێكی سەر بەزمان(ناڵێم زمانزان یا زمانناس) لەڕووی زمانەوە هەقم بەسەر ئەم ووشەی خەرجەوە هەیە. كە بەراستی نازانم هەر لە سلێمانی بەكاردێت. یا لەو شوێنانەیتری كوردستاندا كە دیوومن یا دیالێكت‌و بەشە دیالەكتەكانی دەزانم. بەهەموو حاڵێك ئەوا لە عەرەبمان سەندووە‌و ئەوان خۆیان ئەمە بەكارناهێنن. بەڵكو لەچەند ووڵاتی عەرەبدا ووشەی(صرف- سەرف) م بیستووە، لەجێی (یصرف فلوس)-(صرف اموالە) یا ووشەی كڕین دەبێ بە (شرا‌ء) یشتری خبز- أو (إشتری بضاعة)
تەنانەت ووشەی (صرف) بۆ زانستێكی زمانناسی لە عەرەبیدا(صرف‌و نحو) هەر لەم مانای(سەرف كردن)ەوە نزیكە چونكە باس لە گۆڕینی ووشە دەكات (فعل‌و فاعل‌و مفعول بە‌و حال..الخ) (ذهب، یذهب، ذهابا..الخ) یا وابزانم ئێستا (گەردانی ووشە)ی پێ دەڵێن.
لەم باسە بوومەوە تێ بینی ترم تۆمار كردووە، بۆ كونجیتر وا دەڵێم با بمێنێ‌و با جیا بێت. با ئەم كونجەیان لەجێگەگرتنی رۆژنامەكەدا كورتتر بێت باوەڕ ناكەم زیانی هەبێت. دڵخۆشیی خۆشم بەوە ئەدەمەوە- كە ناوەڕۆك (جەوهەر)ەو روخسار دیاردە.
ئیتر هەر بژین

PM:03:04:15/03/2018




ئه‌م بابه‌ته 410 جار خوێنراوه‌ته‌وه‌‌