بەڕێوەبەری فڕۆكەخانەی سلێمانی: چاوەڕوانی هاتنی شاندی بەغداین فڕۆكەخانەكە بكەنەوە


بەڕێوەبەری فڕۆكەخانەی سلێمانی رایگەیاند، چاوەڕوانی هاتنی شاندی بەغدان بۆ گرتنەبەری ڕێو شوێنەكانی كردنەوەی فڕۆكەخانەكە.

(تاهیر عەبدولڵا) بەڕێوەبەری گشتی فڕۆكەخانەی سلێمانی رایگەیاندووە، ئەوان تەواوی ڕێو شوێنە هونەری و لۆجستییەكانیان تەواوكردووەو ئێستاش لەچاوەڕوانی هاتنی شاندی حكومەتی بەغدان تاكو گفتوگۆ بكەن و فڕۆكەخانەكە بكەنەوە.

ئەو باسیشی لەوەكردووە، كە داخستنی فڕۆكەخانەی سلێمانی كاریگەری هەبووە لەسەر بەرژەوەندی هاوڵاتیان و جوڵەی بازرگانی، ئەوەش زیانی زۆری بەدوای خۆیدا هێناوە.

بەڕێوەبەری فڕۆكەخانەی سلێمانی ئاماژەی بەوەشكردووە، ئەوان هیچ لاریان نییە لەسەر هەماهەنگی كردن لەگەڵ بەغداو جێبەجێكردنی بڕیارەكان.
 


AM:11:04:31/10/2017




ئه‌م بابه‌ته 1501 جار خوێنراوه‌ته‌وه‌‌