ئەزموون و ناوبانگی تید تورنەر ‌ئیمپراتۆری میدیایی


(ئێستا كاتێكی گونجاوە بۆ ئەوەی بێمە مەیدان و بزانم لە مەیدانەكەدا چی روودەدات. چونكە دەمەوێت ماوەیەكی زیاتر لەم بوارەدا بمێنمەوە و ببمە بەڕێوەبەرێكی باش و بزانم چی دەكەم).

بە هۆی دەسكەوت و سەركەوتنە یەك لە دوای یەكەكانییەوە، میدیایی جیهانی بایەخێكی زۆر بە تید تورنەر دەدەن. بە راستی تورنەر دەزانێت چی دەكات. ئەو كاتەی ریكلام دەكات، ئەو كاتەی لەسەر تەلەفزیۆن دەردەكەوێت، ئەو كاتەی دەبێتە خاوەنی تیپێكی وەرزشی، ئەو كاتەی گرنگی بە خەڵك دەدات، ئەو كاتەی خێرخوازە یان راستگۆیانە دەدوێت، دەزانێت چی دەكات. ئەمەش وایكردووە خەڵكانێكی زۆر هەڵوەستەی لەسەر بكەن و رێزی لێبگرن.

دروستكردنی ئیمپراتۆریەتە میدیاییەكەی ئەو كاتە دەستی پێكرد كە لە سەرەتای ساڵانی شەستدا كۆمپانیاكەی باوكیی كەوتە دەست (واتەر تورنەر بۆ میدیای دەرەوە) كە ئەو كاتە بەهای ئەو كۆمپانیایە بە نزیكەی یەك ملیۆن دۆلار دەخەمڵێنرا. بە كڕینەوەی كەناڵی ئەتلانتس یو ئێچ ئێف تید تورنەر دەستی كرد بە بونیادنانی ئیمپراتۆریەتی تورنەر برۆدكاستینگ سیستەم تی بی ئێس. لە سەرەتای ساڵانی هەشتاشدا تەلەفزیۆنێكی جیهانیی گوازرەوەی لە رێگەی كێبڵەوە دامەزراند كە تائێستاش ناوبانگێكی جیهانیی هەیە و بە سی ئێن ئێن دەناسرێت. 

ئەو كەناڵە، یەكەمین كەناڵی تەلەفزیۆنییە كە بۆ ماوەی 24 سەعات لە رۆژێكدا رووماڵی هەواڵ و زانیاری دەكات و لە زیاتر لە 200 وڵاتی جیهان وەردەگیرێت و ژمارەی بینەرانیشی نزیك دەبێتەوە لە یەك ملیار و نیو بینەر لە سەرتاسەری جیهاندا و لە رێگەی كەناڵی سی ئێن ئێن ئینتەر ناشناڵەوە پەخش دەكرێت.

سی ئێن ئێن زۆرێك لە چەمكە باوەكانی ناو جیهانی میدیا بە گشتی و تەلەفزیۆن بە تایبەتی گۆڕی و رۆڵی لە رووداوە جیهانییەكاندا بەرەو گەورەیی و گەورەیی زیاتر رۆیشت. رۆڵێكی دیاری هەبوو لە رووماڵكردن و گواستنەوەی كەوتنە خوارەوەی كەشتی چالینجەر لە ساڵی 1986. هەروەك رۆڵێكی گرنگی هەبوو لە رووماڵكردنی جەنگی كەنداو لە ساڵی 1991.

دوای ئەو هەنگاوەش، تید تورنەر چەند هەنگاوێكی تری نا. وەك دروستكردنی تۆڕی تەلەفزیۆنیی تورنەر تی ئێن تی و هەردوو تۆڕی سی بی ئێس و تیم وۆرنەری تێكەڵ كرد. 
گەشتی دەریایی و بڕینی دەریاكان، یەكێكی تر لە خواست و هیوایەتەكانی تید تورنەر. لە تەمەنی نۆ ساڵییەوە لەم كارەی بەردەوامە و لە تەمەنی 11 ساڵیدا بەشداری پێشبڕكێكانی ئەو بوارەی كردووە، تەنانەت لە ئۆڵۆمپیادی 1964یشدا بەشداریی كردووە.

كەس و بەرپرسانی ئەو بوارە رێزێكی تایبەتیان بۆ تید تورنەر هەیە، چونكە لە ساڵی 1977 دا بە خۆی و بەلەمەكەیەوە بە ناوی (بەلەمی ئازا) بوونە براوەی جامی دەریاوانیی جیهانی، ئەم رووداوەش متمانەیەكی زیاتری پێبەخشی و دەرگای زۆرتر و گەورەتری لە بەردەمدا كردەوە. 

تید تورنەر ئەو بەلەمەی لە تێد هود كڕی كە جارێكی تر دەستی كردەوە بە دروستكردنی بەلەمێكی تر بەو هیوایەی خێراتر بێت لە بەلەمی (ئازا). دواتر رووبەرووی یەكتری بوونەوەو تید تورنەر بە بەلەمی ئازاوە تێد هود و بەلەمە تازەكەشی بردەوە. بەو بۆنەیەشەوە تید تورنەر ئاهەنگێكی گەورەی گێڕا. 

بۆ ئەوەی یاری و چالاكییە وەرزشییەكانیش لە رێگەی تۆڕە تەلەفزیۆنییەكانییەوە پەخش بكات، تید تورنەر هەردوو تیپی ئەتلانتا بریڤەرس بۆ بەیسبۆڵ و ئەتلانتا بۆكسی بۆ باسكە، كڕی.

(رات لە بارەی ئەو تیپەوە چییە. من زۆرم خۆشدەوێن. ئێوەش بەشداری بكەن و تەماشای مونتەدا گەورەكان بكەن).

هەرچەندە شارەزاییەكی ئەوتۆی لە بواری مونتەداكاندا نەبوو، بەڵام تید تورنەر بە خاوەنی زیاتر لە دوو دەست ناسراوە، چونكە بەشدارە لە بەڕێوەبردنی تیپی ئەتلانتا بریڤەرس و بەردەوام پێشنیازی جۆراوجۆر پێشكەش دەكات.

هەمیشە و بەردەوام تید تورنەر سەرنجی میدیا و كامێراكان رادەكێشێت. ئەوەش بە هاوسەریی دە ساڵەی بێت لەگەڵ هونەرمەند جیم فۆندا یان بە پێشكەشكردنی مینحەیەك بە بڕی یەك ملیار دۆلار بە نەتەوە یەكگرتووەكان. بەو جۆرە بەردەوام باس باسی تید تورنەرە و هەمیشە رۆشنایی لەسەر دەبێت.

ئەو خاوەنكارێكی لێزان و زیرەك و وریایە، لە ژیانیدا بە شێوەیەكی زۆر كەم تووشی شكست هاتووە. ئەو كە شتێك دەكات و دەكەوێتە هەڵەوە، زوو لە هەڵەكەیەوە فێردەبێت.

تید تورنەر لە ژیانیدا چەندین دەسكەوت و كاری باشەو دەستپێشخەریی هەیە، حەزی لە قسەی خۆش و پێكەنینەو ئەوەشی تێكەڵاوی كەسایەتییە بەهێزەكەی كردووە. ئەو كەسێكی بەرێز و خاوەن دەسەڵاتە، ئەمەش تەنها لە بواری تەلەفزیۆندا نا بەڵكو لە كۆمەڵگاشدا.



AM:10:41:28/10/2017




ئه‌م بابه‌ته 85 جار خوێنراوه‌ته‌وه‌‌

زۆرترین خوێنراو‌
Yeezy 350 Boost V2,Adidas Yeezy 750 Boost,Adidas Zestra Chaussures,Nike Air Force 1 07,Air Force 1 Flyknit Chaussures,Air Force 1 Mid 07 Chaussures
Nike Air Max 90 Fireflies,NIKE AIR MAX 90 MID,NIKE AIR MAX 95,NIKE AIR MAX 95 CHAUSSURES,NIKE AIR MAX MOTION LW,NIKE AIR MAX TAILWIND 8