بانكی‌ ناوه‌ندی‌ فرۆشتنی‌ دۆلاری‌ به‌ڕێژه‌یه‌كی‌ به‌رچاو كه‌م کردەوە



بانكی‌ ناوەندی‌ عێراق ڕێژەی‌ خستنه‌ بازاڕی‌ دۆلاری‌ راگه‌یاند، بەهەمان نرخی‌ پێشوو كە 1190دینارە بۆ هەردۆلارێك.

بانكەكە‌ ڕایگەیاند، ئەمڕۆ دووشه‌ممه‌ 153ملیۆن و 858هه‌زار و 635دۆلاری‌ خستووەتە بازاڕەوە. 

پرۆسەی‌ فرۆشتنی‌ ئەو بڕەپارەیە بەبەشداری‌ 38بانك‌ و11كۆمپانیای‌ تایبەت بەهەواڵەكردنی‌ دراو ئەنجامدراوەو نرخی‌ هەر دۆلارێكیش بە 1190دیناری‌ عێراقی‌ دیاریكراوە.

دوێنێ‌ یه‌كشه‌ممه‌ بانكی‌ ناوه‌ندی‌157ملیۆن و 723هه‌زار و 324دۆلاری‌ خستبووە بازاڕەوە.

ڕۆژانە بانكی‌ ناوەندی‌ عێراق، بڕی‌ ئەو دۆلارە بڵاودەكاتەوە كەبەشێوەی‌ زیادكردن دەیفرۆشێتە بانكەكانی‌ عێراق، لەگەڵ خشتەیەكی‌ تایبەت بەناوی‌ ئەو بانكانە.


PM:03:21:22/05/2017




ئه‌م بابه‌ته 629 جار خوێنراوه‌ته‌وه‌‌

زۆرترین خوێنراو‌